Queirello(-primo)
Carex capillaris
Cyperaceae
Àutri noum : Moutouso, Sagneto.
Noms en français : Laîche à feuilles capillaires, Laîche capillaire.
Descripcioun :La queirello primo trachis en mato en auto mountagno dins li pelouso umido o bagnado e li coumbo à nèu. Fai partido dóu group qu'a uno espigueto masclo (eici blancasso) e quàuquis espigueto femèu (2 à 5). La planto èi laco, sènso péu, li long pecou dis espigueto pendoulon. Li fueio soun primo (1,5 à 2 mm) e rufo (mai pas la bratèio -fotò). Lis utriculo, de 2 à 3 mm, soun pourtado pèr d'escaumo membranouso e si bè soun proun courtet (0,3 à 0,8 mm). I'a tres estigmate.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 5 à 20(40) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo
Gènre : Carex
Famiho : Cyperaceae
Ordre : Poales
Coulour de la flour :
Brunello
Petalo : ges
Ø (o loungour) enflourejado : 1 à 2 cm
Flourido : Printèms
- Estiéu
Sòu : Ca
Autour basso e auto :
Pancaro entresigna
Aparado : Noun
Jun à juliet
Liò : Pelouso umido
- Cresten venta
- Coumbo à nèu
Estànci : Subaupen à Aupen
Couroulougi : Artico-Aupenco
Ref. sc. : Carex capillaris L., 1753
Tè
Anthyllis vulneraria subsp. rubriflora
Fabaceae Leguminosae
Autre noum : Galasset, Galassoun, Jalassoun.
Noms en français : Anthyllide vulnéraire, Anthyllide à fleurs rouges.
Descripcioun :Sara baiado dins quàuqui tèms.
Usanço :Li meno de tè soun couneigudo en Éuroupo pèr sougna li plago, macaduro, bruladuro emai li proublèmo de pèu coume la raumido. Au nostre lou tè es acampa coume purgatiéu contro lou quiéu tapa e coume depurativo (P. Lieutaghi, op.cit. p. 80). Li jóuini fueio soun manjado cuecho en Bousnìo (F. Couplan, op.cit. p. 207).
Port : Erbo
Taio : 5 à 30 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo
Gènre : Anthyllis
Famiho : Fabaceae
Famiho classico : Leguminosae
Ordre : Fabales
Coulour de la flour :
Roujo
Petalo : irreguliero
Ø (o loungour) enflourejado : 2,5 à 3 cm
Flourido : Printèms
Sòu : Ca
Autour basso e auto : 0 à 800 m
Aparado : Noun
Mars à jun
Liò : Garrigo
- Roucaio
- Tepiero seco
Estànci : Termoumediterran à Mountagnard
Couroulougi : Eurimediterrano
Ref. sc. : Anthyllis vulneraria subsp. rubriflora Arcang., 1882
(= Anthyllis vulneraria subsp. praepropera (A.Kern.) Bornm., 1925 )